Diabolic Diary ကို ဆက်မရေးတော့ပါ

ကျွန်တော်တို့သုံးယောက် အတူပူးပေါင်းရေးသားနေတဲ့ ဒီစာမျက်နှာကို ဒီမှာတင် ရေးသားခြင်းများကို ရပ်လိုက် ပါပြီ။ Diabolic Diary Group ပြိုကွဲသွားခြင်း မဟုတ်သလို ကျွန်တော်တို့ အချင်းချင်း သဘောထား မတိုက်ဆိုင်လို့လည်း မဟုတ်ပါ၊ ဒီစာမျက်နှာရဲ့ Admin Right ပျောက်သွားတဲ့အတွက် ဆက်မရေးကြတော့ရန် ဆုံးဖြတ်လိုက်ရခြင်း ဖြစ်ပါသည်။

ယခု Diabolic Diary တွင် ရေးသားနေသော ကျွန်တော်တို့ အားလုံး ကိုယ်ပိုင်စာမျက်နှာကိုယ်စီဖြင့် ဆက်လက် ရေးသားသွားမည် ဖြစ်ပါသည်။ ကျွန်တော်တို့ရဲ့ စာမျက်နှာ အသစ်များကတော့ အောက်ပါအတိုင်း ဖြစ်ပါတယ်၊ လာရောက် လည်ပတ်ရင်း ဖတ်ရှုပေးကြပါလို့လည်း တစ်ခါတည်း ဖိတ်ခေါ်လိုက်ပါရစေ....။

http://daywalkerdiary.blogspot.com [ Ðaywalker ]
http://htetyeethitsar.blogspot.com [ HtetYeeThitsar ]
http://daystardiary.blogspot.com [ Dayst@r ]

လောလောဆယ် အချိန်မှာတော့ Domain Name Redirect လုပ်မထားသောကြောင့် blogspot.com ကို ပိတ်ထားသော နေရာများတွင် ကျော်ကြည့်နေကြရဦးမည် ဖြစ်ပါသည်။ နောင်တစ်ချိန်တွင် Domaing Redirect လုပ်သွားမည်ဟု ရည်မှန်းထားပါသည်။

တစ်ဆက်တည်းပြောရလျှင် ကျွန်တော်ရေးသားနေသော အောက်ပါစာမျက်နှာများတွင်လည်း ဆက်လက် ရေးသားနိုင်ခွင့် မရှိတော့သောကြောင့် ဆက်လက်ရေးသားခြင်းမရှိတော့ပါ။ soul88ster@Gmail.com Account သည်လည်း ကျွန်တော် Ðaywalker မဟုတ်တော့ကြောင်းနှင့် ထိုအကောင့်မှ သူငယ်ချင်းများအနေဖြင့် mydaywalker88@gmail.com သို့ ပြောင်းလဲချိတ်ဆက်နိုင်ကြောင်း အသိပေးအပ်ပါတယ်။

http://daywalker.myanmarbloggers.org » Our New Diabolic Diary (My Soul)
http://yinmarbin.myanmarbloggers.org » My Native Town(YINMARBIN)
http://daywalker-poem.blogspot.com » My Little Poem Factory

လာရောက်ဖတ်ရှုကြသူ အားလုံးကို ကျေးဇူးအထူးတင်ရှိပါတယ်။
With deepest respects,
Ðaywalker( စိုးလှိုက်ဦး )

လှပါတယ်... လှပြီးသား

အခုတလော နားထောင်မိတဲ့ (အင်းးး.... ကြည့်မိတဲ့ လို့ ပြောရင် ပိုမှန်မယ် ထင်ပါတယ်) VCD သီချင်းတွေထဲမှာ သဘောကျမိတာကတော့ D Phyoe ရဲ့ “မနက်ဖြန်အတွက် အမှတ်တရလေးများ” ခွေလေးပါပဲ။ သူ့ကို မသိကြ ပေမယ့် သူ့ရဲ့သီချင်းတစ်ပုဒ်ကိုတော့ ဘရဏီ ကနေ အမြဲပြပေးနေတာမို့ အပြင်အမြဲသွားနေတဲ့ လိုင်းကားစီးဖူး သူတိုင်း ကြားဖူး/ကြည့်ဖူးကြမှာပါ။

“ဟုတ်ကဲ့ပါ၊ ဒယ်ဒီအတွက် ဆေးတစ်ခွက်ဟာ ဒို့
နှလုံးရောဂါသည် မာမီကြီး အမြဲကျန်းမာဖို့
ပြောလိုက်ပါ အန်တီကြီး စိတ်ချပါလို့
အားလုံးကို အဆင်ပြေဖို့ နောက်ဆုတ်မယ်လို့”
ဆိုတဲ့ “ဟုတ်ကဲ့ပါ” သီချင်းလေးလေ...။ Thomas ရေးပေးထားတာပါ။

D Phyoe ဟာ ကျွန်တော် သိသလောက်တော့ အဆိုတော် အသစ်တစ်ယောက်ပါပဲ၊ အသံက ပါဝါ မရှိလှပေမယ့် တော်တော်လေး ငြိမ်ပြီး ကောင်းပါတယ်၊ နောက်... ဒီစီးရီးခွေဟာ အတော်လေး ပျောက်ချက်သားကောင်းနေတဲ့ တေးရေးဆရာ THOMAS ကို ပြန်လည်မြင်တွေ့ရခြင်းလည်း ဖြစ်ပါတယ်။ အခြား ပါဝင်တဲ့ တေးရေးဆရာတွေ ကတော့ မြင့်မိုးအောင် က တစ်ပုဒ်နဲ့ ရွှေဂျော်ဂျော် တို့က နှစ်ပုဒ်စီ ရေးပေးထားပါတယ်။ တီးခတ်ပေးထားတဲ့ Band ကတော့ Made in Heaven ပါ၊ ရိုက်ကူးပေးထားတဲ့ ဒါရိုက်တာက ပီတာ ပါ။ ရိုက်ကွင်းတွေကို ရန်ကုန် ပတ်ဝန်းကျင်တင် မကပဲ အခြားနေရာများကိုပါ သွားရောက် ရိုက်ကူးထားတာကို တွေ့ရပါတယ်။
ဒီခွေထဲမှာ ပါဝင်သရုပ်ဆောင်ထားတဲ့ မော်ဒယ်လ်တွေကိုတော့ ကျွန်တော် မမြင်ဘူးပါဘူး၊ တစ်ခု ရှိတာက ကျွန်တော်ကိုယ်တိုင်ကလည်း မော်ဒယ်လ် အသစ်တွေ အတော်များများကို မသိတာလည်း ရှိပါတယ်။ နောက်... အဆိုတော် D Phyoe ကိုယ်တိုင်လည်း ဝင်သရုပ်ဆောင်ထားပါသေးတယ်။
တစ်ခွေလုံးမှာ သီချင်း (၁၃) ပုဒ်ပါ,ပါတယ်၊ သီချင်းအများစုဟာ Slow Rock ပုံစံတွေ များပါတယ်။ ကျွန်တော် ကတော့ “ဂိုး” ဆိုတဲ့ ဘောလုံးသီချင်း တစ်ပုဒ်ကလွဲရင် အားလုံးကို သဘောကျပါတယ်။ ( ဘယ်လို ဖြစ်ကြတယ် မသိပါဘူး၊ အခုနောက်ပိုင်းမှာ အဆိုတော် အတော်များများဟာ ဘောလုံးပွဲ သီချင်းတစ်ပုဒ်ကို ခွေတိုင်းလိုလိုမှာ ထည့်လာကြတာ တွေ့လာရတယ်။ မြန်မာနိုင်ငံမှာ ဘောလုံးပွဲတွေ ခေတ်ထလာတော့ သူတို့ရဲ့ သီချင်းလည်း ဘောလုံးပွဲတွေနဲ့အတူ ပေါက်သွားဖို့ ရည်ရွယ်ကြဟန် တူပါတယ်။ ကျွန်တော်တို့လို ပရိတ်သတ် အတွက်တော့ တော်တော် စိတ်ပျက်စရာကောင်းတဲ့ အချက်ပါပဲ...။)

တကယ်လို့ ဒီခွေကို ကြည့်ဖြစ်ကြမယ်ဆိုရင် “ဟုတ်ကဲ့ပါ၊ ဒီကောင်မလေးအတွက်၊ ပူစီ၊ ပါးပါးလေးပါ၊ လှပါတယ်...လှပြီးသား”ဆိုတဲ့ သီချင်းလေးတွေဟာ နားစွဲလွယ်ပြီး အတော်များများ သဘောကျကြလိမ့်မယ်လို့ ယူဆမိပါတယ်။ ကျွန်တော်ကတော့ “လှပါတယ်.. လှပြီးသား” ဆိုတဲ့ သီချင်းလေးကို အကြိုက်ဆုံးပါပဲ။ (တစ်ခုပဲ... သရုပ်ဆောင်တဲ့ မော်ဒယ်က ပဲဆီ၊ နှမ်းဆီ မဟုတ်ဘဲ စက်ဆီ(sexy) ကျနေသလိုပဲ။ ဒီပိုစ်မှာ ထည့်ဖို့ သီချင်းနဲ့လိုက်တဲ့ ပုံလေးတွေကို မနည်း Snapshot ဖမ်းယူထားရတယ်။) သီချင်းအဝင်မှာ မြန်မာဆိုင်းတီးလုံးလေးရောပြီး ဝင်လာတာရယ်၊ အထွက်မှာ ဆိုင်းတီးလုံလေးရောပြီး ထွက်သွားတာရယ်ကို သဘောကျမိပါတယ်။ သီချင်း စာသားလေးနဲ့လည်း လိုက်ဖက်တယ်လို့ ယူဆမိပါတယ်။ ကြိုက်လွန်းလို့ Phone Ringtone လေးတောင် လုပ်ပြီး ထည့်ထားမိပါတယ်။ သီချင်းအဝင်နဲ့အထွက် ဆိုင်းသံလေးပါတဲ့ အပိုင်းလေး တွေကို ဆက်ပြီး ဖြတ်ယူထားတာပါ။ နားထောင်ကြည့်ချင်တဲ့သူများ အောက်မှာ ဒေါင်းလုဒ် ရယူနိုင်ပါတယ်။

Download : D Phyoe_လှပါတယ်...လှပြီးသား [Ringtone]

ဒီအောက်က ပုံလေးတွေကတော့ “လှပါတယ်...လှပြီးသား” သီချင်းလေးထဲက ပုံရိပ်အချို့ကို ကူးယူထားတာပါ။ VCD ကို မကြည့်ရသေးသူတွေအတွက် အမြည်းပေါ့ဗျာ...။




အဲ... သီချင်းအကြောင်း ရေးရင်း ကြုံတုန်း ပြောရဦးမယ်၊ အခုနောက်ပိုင်း မြန်မာ Live Show တွေမှာ Dancer တွေရဲ့ Performance တွေကို အရင်ကထက် ပိုပြီးတွေ့လာရတယ်။ ဒါပေမယ့် သူတို့ရဲ့ Performance တစ်ချို့ကို ကျွန်တော်တော့ နားမလည်နိုင်ဘူးဗျာ....၊ ဥပမာ... ဒီအောက်ကလို Performance မျိုးတွေကို ပေါ့။ (ဘယ်သီချင်းထဲကလဲ ဆိုတာတော့ မပြောတော့ဘူး။)

လာရောက်ဖတ်ရှုကြသူ အားလုံးကို ကျေးဇူးအထူးတင်ရှိပါတယ်။
With deepest respects,
Ðaywalker( စိုးလှိုက်ဦး )

စောင့်နေသူများရဲ့ ညနေ

လက်ခုစုတ်လို တွန့်ကြေထွက်လာတဲ့ညနေမှာ
ဖွင့်မိတဲ့ သီချင်းကလည်း ကီးမဝင်
ဝင်မိတဲ့ကဖေးကလည်း မလိုင်မတက်
ဆက်မိတဲ့ နံပါတ်ကလည်း ဆက်သွယ်မှုပြင်ပ
ကြားရတဲ့ သတင်းတွေက ပလူပျံလို့
စလင်းဒီယွန် ကိုယ်ဝန်ပျက်ကျတယ်၊
Doomday 2012 ဇတ်ကား နာမည်ကြီးတယ်၊
ငါ့တို့ရည်းစားက လှေထိုးသားနဲ့ ငြားတယ်၊
ဒီနှစ်ကုန်ရင် တစ်မွန်းတည့်ပြီလို့ ဆရာတော်ကဟောတယ်၊
နာဂစ်ကို ပျက်လုံးတွေမှာ စတင်ထည့်သွင်း သုံးစွဲလာတယ်၊
ပလပ်စတစ်တွေနေရာမှာ FM တွေနဲ့ အစားထိုးတယ်၊
ရွှေဈေးတွေ အတင်း ထိုးကျလာတယ်၊
ငါးထောင်တန်တွေ ထုတ်လာတယ်၊
နောက်တော့
ပလူပျံနေတဲ့ သတင်းတွေအကုန် /အားလုံး
ပလူတွေလိုပဲ အတောင်ပံတွေကျွတ်ပြီး
တစ်ကောင်နောက်တစ်ကောင် တန်းစီကုန်ပြန်ရော...။

ကမ္ဘာကြီးကပြားသွားပြီ
ရွှေလင်ပန်းနဲ့ အချင်းဆေးချင်တုန်းပဲ၊
မိုးကောင်းတုန်းမို့ ဘုံမြောက်လိုက်ပါရဲ့။
တစ်ခါက ပေးဖူးတဲ့ ကတိတွေအားလုံး
မိုးဟေကို လို နာမည်ကြီးခဲ့တာချည်းပဲ၊
ပြီးမှ...
ဆပ်ပြာသည်လို ယောင်းမခါးကြားထိုးရှာပြနေပြန်ရော....။

ပရိတ်သတ်မကြိုက်တဲ့ သီချင်းတွေအားလုံး
တေးသံသွင်းဆိုင်ကြီးတွေပေါ်မှာပဲ ရှိတယ်၊ ဈေးကြီးတယ်။
ပရိတ်သတ်ကြိုက်တဲ့ သီချင်းတွေအားလုံး
ပလက်ဖောင်းတွေပေါ်မှာပဲ ရှိတယ်၊ ဈေးပေါတယ်။
ကျုပ်တို့ဆီမှာ
ကမ္ဘာကြီးပြားတာ အရမ်းနှေးတာပဲ
ပလောင်တောင်တက်နှေးတိုင်း လက်ဖက်ကောင်းရင်
အရီးတောင်းတော့ ငတ်သေမှာပဲ
ဒါမှမဟုတ် ပလောင်တွေတောင်မတက်ခိုင်းနဲ့တော့
ဒါဆိုရင် လက်ဖက်တွေအကောင်းဆုံးဖြစ်လာလိမ့်မယ်။

လာမယ်ကြာမယ်ဆိုတာကို ကြားလာခဲ့တာ ကြာပြီ
သုံးမိနစ်စောင့် တဲ့
အိန္ဒြာကျော်ဇင်က ကြော်ငြာထဲမှာမို့ အဲလိုပြောတာ
အပြင်မှာဆို
အဲဒီလောက်ကြာချင်မှကြာမှာ
ဒါမှမဟုတ် အဲဒီထက်ပိုကြာချင်ကြာနေမှာ
ကော်ဖီဆိုင်က စကားဝိုင်းကိုသိမ်းလိုက်တယ်၊
ငါတို့ ဘကြီးလည်း အဲလိုပြောပြီး သေသွားတာပဲ...
မျှော်လင့်ချက်တွေက အကုန် မြောင်းထဲရောက်ကုန်ပြန်ရော....။

+ စိုးလှိုက်ဦး (ယင်းမာပင်) +

ငါကိုယ်တိုင်ပါပဲ

မီးတောက်မြစ်ဟာ ရင်ခွဲရင်းသာ
မိုင်ပေါင်းထောင်သောင်းချီစီးဆင်းခဲ့ချိန်ပေ့ါ
အဲဒီမြစ်မှာ ပန်းပွင့်တွေ ရာထောင်ချီလွင့်မျောနေတယ်..

အဲဒီပန်းပွင့်ရိပ်တွေ မီးတောက်ရိပ်မှာ ငါမြင်ငေးမော...

ဒါပေမယ့် ငါ့နိုင်ငံတော်ရဲ့နယ်နိမိတ်မှာ
ဘယ်မီးလျှံကိုမှ ဖြတ်သန်းခွင့်မပြုဘူး.....

ဘာလို့လဲဆိုတော့
ငါကိုယ်တိုင် တောက်လောင်နေတဲ့
ကြယ်စင်တစ်စင်းမို့ပါ....
ငါ့ရဲ့တောက်လောင်မှုသက်တမ်းကုန်ဆုံးသွားရင်တောင်မှ
ငါက
အလင်းကိုငတ်မွတ်နေဦးမယ့်
တွင်းနက်တစ်ရာအဖြစ် ဘဝကို မဆက်မဖြစ် ငါဆက်ရဦးမယ်

လေးစားမှုဖြင့်....,
Htet Yee Thitsar

Cracking Your Software From Trial Vertion

Crack ဖြည်တာနဲ့ ပတ်သက်ပြီး တတ်သလောက် မှတ်သလောက်လေး လျှောက်ရေးထားတာပါ၊ ဘလော့မှာ တင်ဖို့ လုပ်ထားတာ မဟုတ်ပေမယ့် တင်စရာပိုစ့်အသစ်လည်း မရှိလို့ တင်လိုက်တာပါ။

Click Here 2 download from 4shared.com
Cracking Your Software From Trial Vertion

ဘာမှမလုပ်တာထက်စာရင် လုပ်သလောက်မဖြစ်တာက တော်သေးတယ်။
With deepest respects,
Ðaywalker( စိုးလှိုက်ဦး )

မှတ်ချက် : Mr.Dayster အကောင့်ကို အငှားသုံးစွဲ နေပါသည်။

ပန်ချင်တယ် ခရေဖူး

ကျွန်တော့်အတွက် ပန်းတကာ့ပန်းတွင် ဘယ်ပန်းကို အကြိုက်ဆုံးပါလဲဟု အမေးခံရလျှင် ချက်ချင်းပြန်ဖြေဖြစ် မည်မှာ “ယင်းမာပန်း” ဟု ဖြစ်ပါလိမ့်မည်။ သို့သော် အတော်များများကတော့ “ယင်းမာပန်း” ဆိုတာကို သိပ်ပြီး ရင်းနှီးကြမည်မထင်ပါ။ ယင်းမာပန်းများပွင့်ပြီဆိုလျှင် ယင်းမာပင်ရှိရာ ပတ်ဝန်းကျင်တစ်ခုလုံး သင်းပျံ့မွှေးကြိုင် နေတတ်သည်၊ ရနံ့ကလည်း ယဉ်သည်။ ထိုကြောင့် ယင်းမာပင်မြို့သား ကျွန်တော်အတွက် “ယင်းမာပန်း” ကို အချစ်ဆုံး ဖြစ်ရတော့သည်။

နောက်ထပ် နှစ်ခြိုက်သဘောကျမိသည့် ပန်းကတော့ “ခရေ” ဖြစ်သည်၊ “ခရေ” သည် သဇင်လို တော်ဝင်ပန်း မဟုတ်ခဲ့ပါ၊ နှင်းဆီလိုလည်း မာနဆူးခက်များ မရှိပါ။ ကျွန်တော့်အချစ်ဆုံး “ယင်းမာပန်း”တွေလိုလည်း အထိမခံ ရွှေပန်းကန်များ မဟုတ်ကြပါ။ ခရေပန်းကလေးများသည် မနက်မိုးလင်းလာသည်နှင့် အပင်ပေါ်မှ မြေပြင်သို့ တဖျောက်ဖျောက် ခုန်ဆင်းကျလာတတ်သည်။ သူတို့အတွက်နှင့် မိခင်သစ်ပင်ကြီးအား ပန်းခူးသူတို့ ဒုက္ခပေး မည်ကို မလိုလားသည့် သဘောများလားတော့ ကျွန်တော်မသိပါ။ အတော်လေး မိုက်မဲစော်ကားသူများသာ ခရေပန်း ကြွေကျချိန်ကို မစောင့်ဘဲ တက်ခူးကြမည် ထင်ပါသည်။ ပင်ကိုအားဖြင့်မူ ခရေပန်းအလိုရှိသူအတွက် အလွယ်တကူ ကောက်ယူသီငှင်ရုံသာရှိသည်၊ ခြောက်သွားပြန်တော့လည်း မွှေးမြဲ မွှေးနေဆဲပင်...။ “ခရေပန်း” တို့၏ သစ္စာကား ခိုင်မြဲလှပေစွ...ဟုလည်း ကျွန်တော် အမြဲတွေးမိသည်။

ထို့ကြောင့် “ခရေ” ကို သစ္စာတရား၏ သင်္ကေတအဖြစ် ကျွန်တော့် ကဗျာအချို့တွင်လည်း ထည့်သွင်းရေးသား ခဲ့မိပါသည်။
“ခက်တာက
အဖြူရောင် ၀မ်းဆက်နဲ့ ခရေဆိုတဲ့ကောင်မလေးကို
သူ အသေအလဲချစ်နေမိတာပဲ....”

ဒီနေရာမှာ “ခရေ” နှင့် ပတ်သက်ပြီး ဆရာမင်းသုဝဏ်ရဲ့ ကဗျာလေးတစ်ပုဒ်ကို သွားအမှတ်ရမိပြန်ပါသည်။ ဒါပေမယ့် ကျွန်တော်ရဲ့ ကဗျာလေးအပေါ်မှ ခံစားရတဲ့ အဓိပ္ပါယ်ကတော့ အခြားသူများနဲ့ ကွဲလွဲကောင်း ကွဲလွဲ နေမည်ဟု ထင်ပါသည်။ ကျွန်တော့်ဆီသို့ မျက်စိလည်ပြီး ရောက်လာသော ကဗျာလေးရဲ့အဓိပ္ပါယ်ကတော့ အောက်ပါအတိုင်း ဖြစ်ပါသည်။

“လယ်တောကအပြန်၊
ပန်ချင်တယ် ခရေဖူးဆိုလို့” ၊ လယ်တောကနေ ပြန်လာချိန်မို့ ညနေချိန်လို့ တွေးမိပါသည်၊ ခရေဖူးကိုမှ ပန်ချင်ပါတယ်ဟု တောင်းဆိုသည်။ ခရေပန်းကို မတောင်းဆိုဘဲ ဘာဖြစ်လို့များ ခရေဖူးကိုမှ လိုချင် ပါလိမ့်....၊ စိတ်ထဲ ကသိကအောက် ဖြစ်သွားရပါသည်။ ဆက်လာမယ့် စာကြောင်း “မောင်ခူးကာပေး....။” အတွက် ကာရံ ယူချင်လို့လား၊ တောင်းဆိုသူ မိန်းမပျိုရဲ့စိတ်ထားကို ရှေ့ပြေးဖော်ပြမှုလား....။ ခရေဖူးကို လိုချင် ရင်တော့ အပင်ပေါ်တက်ခူးကာမှ ရပေလိမ့်မည်။ ဒါပေမယ့် ချစ်မိသူ မောင်ကတော့ တက်ခူးပေးရှာပါသည်။ ဒီနေရာမှာ ကျွန်တော့်အထင် ခူးပြီးတာနဲ့တစ်ခါတည်း မိန်းမပျိုလေးကို ပေးလိုက်ဟန်တူပါသည်။

ဒီလိုနဲ့ နောက်တစ်နေ့မနက်မှာတော့ ချစ်သူမိန်းမပျိုဟာ သူခူးပေးလိုက်တဲ့ “ခရေပန်း”လေးတွေကို မြတ်မြတ် နိုးနိုး ပန်ဆင်ထားမယ်လို့ လုလင်ပျိုက မျှော်လင့်ထားပုံ ရပါတယ်။ ညနေခင်းက ခူးပေးထားတဲ့ ခရေပန်းလေး တွေဟာ နောက်တစ်နေ့ မနက်မှာတော့ ပွင့်လာကြပြီ မဟုတ်လား....။

“မနက်တုန်းဆီက” ဆိုပြီး နောက်တစ်နေ့ မနက်ကို ဖွင့်လိုက်ပါတယ်၊ ဒါပေမယ့် အဲဒီမနက်ခင်းဟာ ကျော်သွားပြီ လို့ ခံစားရပါတယ်၊ ပြန်ပြောနေတယ်လို့လဲ တွေးမိပါတယ်။ နောက်တစ်နေ့မနက် ချစ်သူမိန်းမပျိုကို မြင်လိုက်ရ တဲ့ အချိန်မှာတော့ လုလင်ပျို မျှော်လင့်ထားသလို မဟုတ်ဘဲ “ကြော့ဆုံးကို မောင်မြင်တော့၊ သူ့ဆံပင် နှင်းဆီပွင့် တွေနဲ့” ဖြစ်နေခဲ့ပါတယ်။ ဒါဟာ ခရေဖူးကို တက်ခူးခိုင်းခဲ့တဲ့ မိန်းမပျိုရဲ့ သဘောထားလား...။ နောက်... နှင်းဆီ ဆိုတာ တစ်ပွင့်တည်းပန်မှ လှပတင့်တယ်,တယ်လို့ ကျွန်တော်က ထင်နေမိပြန်ပါသေးတယ်၊ အခု မိန်းမပျိုရဲ့ ဆံနွယ်တွေအထက်မှာတော့ နှင်းဆီပွင့်တွေနဲ့ဝေနေပါတယ်။ ဒီအတွက် “မိန်းမကောင်းပန်းပန်၊ တစ်ပွင့်စံ” ဆိုရိုး လေးကိုပါ သွားသတိရလိုက်သလို ထိုမိန်းမပျိုကိုလည်း အထင်သေးသွားပါတယ်။ ဒါပေမယ့် သူ့မကို ချစ်မိသူ မောင်ကတော့ နှင်းဆီပန်းတွေ တဝေဝေနဲ့ အလှကြီးလှနေတဲ့ သူမကို “ဂုဏ်တင့်တယ်လေး…။” ဆိုပြီး မုဒိတာပွား ကြည်နူးပေး လိုက်ပါတယ်။

“ချစ်လျှင်အကျိုး၊ မုန်းလျှင်အပြစ်” ဆိုတဲ့အတိုင်း ချစ်တဲ့သူက ခွင့်လွှတ်နိုင်ပေမယ့် ကျွန်တော်ကတော့ ဒီမိန်းမပျို ကို မုန်းတီးနေမိပါတယ်။ ခရေဖူးကို တက်ခူးခိုင်းပြီးကာမှ နှင်းဆီကိုပန်ချင်တဲ့ မိန်းမပျိုဟာ ခွင့်လွှတ်သည်းခံမှုနဲ့ ထိုက်တန်တယ်လို့လည်း ကျွန်တော် မယူဆလိုပါ၊ ဒီကဗျာလေးကို ကြည်နူးမှုလေးလို့ ခံစားကြတာများပေမယ့် ကျွန်တော်ကတော့ အထက်ပါအတိုင်းပဲ တွေးမိ၊ မြင်မိ ပါတယ်။ ကဗျာကို စော်ကားသလို ဖြစ်သွားခဲ့ရင်လည်း သည်းခံပေးပါ၊ ဒါဟာ ကဗျာဖတ်သူတစ်ယောက်ရဲ့ လွတ်လပ်စွာ ခံစားပိုင်ခွင့်တစ်ခုသက်သက်သာ ဖြစ်ပါတယ်။ ကဗျာကို စကားပြေပြန်ရေးပြနေခြင်း မဟုတ်ကြောင်းပါ...။

လယ်တောကအပြန်
ပန်ချင်တယ် ခရေဖူးဆိုလို့
မောင်ခူးကာပေး…။
မနက်တုန်းဆီက
ကြော့ဆုံးကို မောင်မြင်တော့
သူ့ဆံပင် နှင်းဆီပွင့်တွေနဲ့
ဂုဏ်တင့်တယ်လေး…။

+ မင်းသုဝဏ် +

ဒီကဗျာလေးနဲ့ ပတ်သက်ပြီး “အော်လံမောင်” နဲ့ “သူရဿဝါ” တို့ ရေးသားထားတာလေးတွေ ကိုလည်း ကျွန်တော် အလွန်နှစ်သက်မိပါတယ်၊ သွားရောက်ဖတ်ရှု ကြည့်ကြဖို့လည်း တိုက်တွန်းချင်ပါတယ်။

»» ဆရာကြီး မင်းသုဝဏ် ၊ နှင်းဆီ ၊ ခရေ နှင့် ကဗျာမှတ်စု - အော်လံမောင်

»» ဆရာကြီးမင်းသုဝဏ်နှင့် အသည်းကွဲခရေ - သူရဿဝါ

Cutie Models

ပျဉ်းမနားက မိတ်ဆွေတစ်ယောက်ရဲ့ သမီးလေးနှစ်ယောက် ပုံလေးတွေပါ၊ ဘာဖြစ်လို့လဲတော့ မသိဘူး...။ ကလေးတွေထက် ကြောင်တွေ၊ ခွေးတွေကို ပိုပြီးချစ်တတ်တဲ့ ကျွန်တော်တောင် သူ့သမီးအကြီးမလေးကို ချစ်သွားတယ်။ ရုပ်ကလေးတင် ချစ်စရာကောင်းတာမဟုတ်ဘူး၊ အပြောလေးကစ ချစ်စရာကောင်းတာ...။ ကလေးတွေ လူကြီးစကားပြောရင် ကျွန်တော် အရမ်းအမြင်ကပ်တာပဲ....၊ ဒါပေမယ့် ဒီကလေးမလေးကျတော့ လူကြီးစကားပြောတာပဲ.... ဒါပေမယ့် ကလေးလိုပြောတာ....။ ဒါကြောင့် ချစ်စရာကောင်းတယ်....
ကျွန်တော်က သမီးကြီးရင် ဘာလုပ်မှာလဲလို့ မေးမိတော့ "Model လုပ်မယ်၊ ဒါမှမဟုတ် မင်းသမီးလုပ်မယ်" တဲ့....။ ဒါဆိုရင် အိုက်တင်လုပ်ပြဆိုတော့ ရယ်လိုက်ရတာ...၊ ဒါနဲ့ သူတို့ကိုရိုက်ထားတဲ့ ပုံလေးတွေကို ဘလော့မှာ တင်ချင် စိတ် ပေါက်လာတယ်။ သူ့တို့အဖေကိုလည်း ခွင့်တောင်းရ တာပေါ့ဗျာ...၊ ခွင့်ပြုချက် ရပြီဆိုမှ ကျွန်တော်ရဲ့ Model မမကြီးများကို ပွဲထုတ်လိုက်ပါတယ်။

Model :နွေးသဉ္စာနိုင် (အကြီးမလေး)

Model :အေးသဉ္စာကျော်(အငယ်မလေး)

Mr.Dayster အကောင့်နဲ့ ယူတင်လိုက်ပါတယ်၊ ကျွန်တော့်အကောင့် ပိတ်နေလို့။
With deepest respects,
Ðaywalker( စိုးလှိုက်ဦး )

Homeward Bound Lyrics Artist(Band):Paul Simon

"Homeward Bound"ဆိုတဲ့သီချင်းလေးပါ... ဒီသီချင်းလေးကိုနားထောင်မိတော့ စိုးလှိုက်ဦးရဲ့

ယင်းမာပင်တွေရှိလို့
ယင်းမာပင်မြို့လို့ခေါ်ရင်
ကျွန်တော့်မေမေရှိလို့
မေမေမြို့လို့ခေါ်ရင်လည်းရတာပဲ....

ဆိုတဲ့ကဗျာစာသာလေးနဲ့

အိမ်ပြန်တတ်တဲ့ဖိနပ်တစ်ရံ ဝယ်ဖို့စဉ်းစားထားတယ်

ဆိုတာတွေကိုသတိယရင်း အိမ်ကိုသာလွမ်းမိပါတော့တယ်....ဒီသီချင်းကို http://www.filestube.com/6a333fdfb4a3d2e103ea/go.html သွားရောက်နားထောင် ကူးယူနိုင်ပါတယ်..
ဒီဆိုဒ်မှာတင် နားထောင်လို့ရအောင်က ကျွန်တော်မလုပ်တတ်လို့ပါ....:P

"Homeward Bound"
Original Artists: Simon and Garfunkel *
Musical Genres: Rock
Hit Year: 1966
MP3 Length: 2:38 | 87 bpm
Written By:P.Simon
Music Styles:Ballad, Male, oChor, Pop, Pop-Rock, Rock

"Homeward Bound"
I'm sitting in the railway station.Got a ticket for my destination.
On a tour of one-night stands my suitcase and guitar in hand.
And ev'ry stop is neatly planned for a poet and a one-man band.

Homeward bound, I wish I was,
Homeward bound,
Home where my thought's escaping,
Home where my music's playing,
Home where my love lies waiting Silently for me.

Ev'ry day's an endless stream Of cigarettes and magazines.
And each town looks the same to me, the movies and the factories
And ev'ry stranger's face I see reminds me that I long to be,

Homeward bound, I wish I was,
Homeward bound,
Home where my thought's escaping,
Home where my music's playing,
Home where my love lies waiting
Silently for me.

Tonight I'll sing my songs again, I'll play the game and pretend.
But all my words come back to me in shades of mediocrity
Like emptiness in harmony I need someone to comfort me.

Homeward bound, I wish I was,
Homeward bound,
Home where my thought's escaping,
Home where my music's playing,
Home where my love lies waiting
Silently for me. Silently for me.